講裝修困難度，大單位難，其實細單位更難，因為要幫客人攪盡腦汁，善用每一吋空間，於實用與美觀之間取得平衡，甚至雙贏的確唔容易！而這正正就係我地裝修設計團隊覺得最有挑戰性既地方！

裝修兄弟今次黎到旺角一個實用201呎既單位，戶主係一名年青事業女性，喜歡簡約設計同時需要大量儲物空間，所以一個風格實用與溫馨既窩居就最適合戶主放工後可以享受屬於自己既小天地，可以好好放鬆一下！而今次更採用左全開放式設計，令空間感大大提升！