問題：買浴屏仲有咩要留意？好驚揀錯咗無得返轉頭

-網友 Eric

回覆：

上一次講咗款式，今次就想講下部件。首先要講玻璃，安全起見，裝修兄弟建議大家要買有香港認証中心通過歐盟標準測試証書嘅防爆玻璃，萬一不幸出事，都可以將危險性減到最低。

如果想提升私隱度或者美感，好多業主會貼上暗花膜或者全塊玻璃貼暗一兩度，又或者訂制時已講明用灰色玻璃。

然後要講浴屏邊位，大致上可分為防撞門膠、膠邊、磁石。防撞門膠嘅特點係美觀同簡約，不過花灑水有機會從門膠隙反射出去。膠邊嘅特點係完全阻水，但外觀上有點笨拙。磁石最靚且阻水，不過價錢亦是最高。

手柄有分為直柄和橫柄，質地亦有分鋁或鋼，有些柄邊呈流線型，握感更佳。裝修兄弟建議大家購買前去陳列室觀看實物和不斷嘗試觸感，便會很快得知自己喜歡那種款式和實料。

 

嗚謝德國EAGLE Shower英格衛浴借出場地供拍攝

FB: https://www.facebook.com/eagoeshower/