我哋成日講鋁窗嘅厚料同薄料 ，其實唔係講緊玻璃嘅厚度，而係講緊鋁窗框嘅厚度。現時市面鋁窗最常見嘅厚度係38料 ，40料，45料，50料同55料。所謂「料」，其實係指鋁窗架側面嘅厚度，以mm 為單位。一般鋁窗公司都只會提供40料嘅鋁窗，其實係會比較薄啲嘅。如果窗戶嘅座向比較大風，例如係向海或者高層，裝修兄弟建議使用厚料如45料，50料。順便提提大家，現時好多大廈對業主更換鋁窗係有特定要求，所以進行裝修工程之前，記得先詢問大廈管理處。