問題：我屋企就嚟裝修，而家成日都出去旺角灣仔睇地板，不過好多種類同價錢之分，想問下裝修兄弟或者裝修師傅，大概揀地板要留意啲咩？

回覆：

買地板好視乎需求同預算，就咁講未必明白，木地板主要分兩大類：纖維地板同複合地板。纖維地板得此稱呼，因為中間用上高密度纖維板；施工同物料價錢都較平；板面用上印刷技術，所以圖案有時會重覆；而有些纖維地板有100%防水功能，零甲醛保證。

至於複合地板，簡單嚟講就係用上真木面，所以木紋唔會重複，睇落亦都會較自然，同埋踏上去溫度較暖。

 

另外可以留意排地板嘅形狀，一般就橫直排法，但其實可以考慮人字、長梯型、混合式排法，會令空間感生動不少。如果對耐磨程度特別重視嘅朋友，可以叫店員介紹有AC6認證嘅地板畀你，耐磨力比一般地板強。如果想提升地板的立體感，可以揀些雞嘴（地板與地板之間的縫位）較明顯的款式。裝修兄弟建議用家睇多D款式，知道自己對紋路嘅喜好先買，例如風格、顏色深度。

 

嗚謝Beauty Floor 標緻地板借出場地供拍攝

總店：灣仔駱克道244地鋪